تبلیغات
دل نوشته های ایلچی خلخالی ( ائلچی بئی ) - آی چئوره سینده
یکشنبه 10 دی 1396

آی چئوره سینده

   نوشته شده توسط: ائلچی بئی    

 

یایلاق اتکلرینده کی*گیلدیک گؤز اوخشاییر

*سال داغ دوشونده شَهَرجیک گؤز اوخشاییر

ساحیل باخیشلاریندا*اوچان یول گئدیر گئجه

اولدوزلانیب یولداکی *کرتیک گؤزاوخشاییر

درد یورماسین درده جر اولدوقجا کیمسه نی

*اَمچی الینده ساغلیغا *گزلیک گؤز اوخشاییر

ائویمیزده خالچا شکلی دی سانکی بو کتدی قیز

آلمیش باشیندا یول گئده چلتیک گؤز اوخشاییر

نه یاخجی کی هر نه یارانمیش دوز اولماییب

داغلارکی وار بئله جه؛دیک دیک گؤز اوخشاییر

قایتار ساچین آرخانا توک بر بزکلی قیز

آی *چئویرسینده گؤرسه نه *تیفتیک گؤز اوخشاییر

چرشنبه گونلری چوله چیخ گَز دولان بیر آز

باخدیقجا خالق ایچینده کی شن لیک گؤز اوخشاییر

سنده گؤزلیگین تامی وار آی قاباقلی قیز

چال چال*قاباق سنده کی کیرپیک گؤز اوخشاییر

*گیلدیک- بیرنوع تیکانلی کولدور کی گول بورنو آدلی بیر خیردا یئمیش(میوه)گتیرر اونو دریب آشین پیشیرلر و اونون قاینادیلیب توتولموش سویو بویرَک خسته لیگینین درمانی دیر

*سال- تورکوده هالای؛ ردیف صف؛ دئمک اولور

*اوچان- تورکوده هوندور یوک گمیسی دئمک اولور

*کَرتیک(کلک)- تورکوده علامت و یاخو نشان دئمک اولور

*اَمچی- تورکوده دوکتور دئمک اولور

*گزلیک- اوجو اَیری ایتی پیچاق دئمک اولور

*چئویره سیند- دوره سینده- اطرافیندا

*تیفتیک-نارین توک دئمکدیر کی قیزلارین قولاق یانلاریندان توتموش آلینلاریندادا گؤرسه نر-تزه خالچانی سیغاللاییب سوپورنده چیخار

*قاباق- تورکوده گؤز اورتوگو دئمک اولور  


 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر

آپلود نامحدود عکس و فایل

آپلود عکس

دریافت کد آپلود سنتر

آپلود عكس