تبلیغات
دل نوشته های ایلچی خلخالی ( ائلچی بئی ) - عشقین خسته سی
جمعه 12 شهریور 1395

عشقین خسته سی

   نوشته شده توسط: ائلچی بئی    

 

تیکمه داشلی بویوک اوزان شاعیریمیز آتا خسته قاسیم حاققیندا بیرمقاله  

قارانلیقدان ایشیق آلان اوضمانلارین آدینان

بویوک فضولی نین دیلینجه دِئسک

حلقه ی آغزین سیررینی هردم قیلیر ایظهار سوز

بونه سیردیر کیم اولورهر لحظه یوخدان وار سوز

آرتیران اوز قدرینی صدق ایله قدرین آرتیرار

کیم نه مقدار اولسا اهلین ائیلر اول مقدار سوز

 سوز ثروتی اینسان یاشامیندا اَن بیرینجی وارلیق دئمکدیر کی تانری اوز یارادیقی لارینین ایچینده  اونو موطلق اینسانلار بخش ائله میشدی؛قیلینجی دان کسکین و ایپکدن اینجه اولان بو سوز وارلیقی بشر یارانان گونن بوتون علملرین و یارانیشین ترجمانی اولماق شرطی ایله تمدون دیرچه له شینده بویوک رول اوینامیشدی؛و سوزون موققدس لیگی او یئره چاتیر کی یارادان تانری او سوزلری ایله بیزیم ایچیمیزده تانینیر؛و تاریخ بویی سوز ثروتینه مالیک اولان کیمسه لریوز ایللیکلرین قاتیندا قارانلیق  گئجه لرین ایشیق دیره یی اولاراق  بیر پارلاق گونش کیمین یازی پوزی بیلمک شرطی ایله گئچمیشیمیزی بوگونه گتیریب چیخادا بیلمیشدیلر؛امما بو اوضمانلارین آراسیندا تورک خالقی نیندا دده قورقود؛ یوسف خاص حاجیب (بالاساغانلو)ادیب احمد؛خواجه احمد یسوی؛و یوخون یوز ایللیکلرده ماختوم قلی فراغی ؛میرزه ماذون قاشقایی ؛تئلیم خان ساوه ؛عاشیق ویصل  ؛کیمین ال چاتماز زیروه لری اولموشدی؛بیر بئله سوز سیرا هالایی دوزمکدن آذاربایجانین حاق نفسلی اوزان عاشیقی آتا خسته قاسیمنان سیزه سوز آچماق ایسته ییرم؛بو عشقین خسته اولان عاریف اوز گئچمیش یورد داشلاری و الهی باخیشلی خؤیلی یونوس ائمره ؛ دده قربانی و یاخود عابباس توفارقانلی شعیراتینان بارلانسادا اوزونه حاقدان گلن شعیر سیرالارینی دوزموشدی؛عالیم لرین دئدیگینه گوره شعیر یازماق شاعیرین  ذوقونان آسیلی دیر؛امما گوی پیچیتیلاری لا باش باغلی سیرلره ال تاپان شاعیرلریمیزده واردیر کی اونلاردا شعیر یازماق قابیلییتی اولسادا موطلق الهام وسیله له گلن شعیر سیرالارینی کاغیذا اوزرینه کوچوروب بیر قرآن آیه سی کیمین سوز خزینه علاوه ائدیرلر؛خسته قاسیم بیر عشق ویرقینی اولان کیمین مین آچیلمامیش قاپیلاری دوییرک اوز حیرتلندیگی دویغولارینا جاواب ایسته ینده شیخ صفی اوجاغینان یانماقلارا بهانه اولان اوره یینه آلو هوپوب اوز پیریندن بارات آلان بیر خسته کیمین بو سیرالاری دوزموشدی

خسته قاسیم دئییر دست رست اولدوم

شاه الیندن باده ایچیب مست اولدوم

بیر نئچه گون شیخ صفی ده بست اولدوم

اوندان بیان اولدو دورد کیتاب منه

شاه الیندن باده ایچیب دورد موققدس کیتابین سیرلرینه آچار آختاران خسته قاسیم گئجه قارانلیقیندان ایشیق دویان بیر اوزان کیمین رویادا اوز پیری ایله یاشادیقی آنلاری

 بئله قلمه آلمیشدی

بارات گئجه سینده اوستومه گلدی؛

گوستردی اوزونو؛ ماهتاب منه

ایکی ملائکدن نور دیرکلندی

نمایان گوروندی آفتاب منه

یئدی عشق پیلله سی ایستک و سئوگی دن باشلانیرسا گئت گئده روح یوکسکلیگی اینسان جیسمینه یونگولوک باغیشلاییب  قولاش قاناتلی قارتال کیمین سونسوز گویلره یوکسه لنده بوتون یئراوزونده اولان یارانمیشلاری قاناتلاری نین آلتینا آلیب حیرتله تانری نین یارادیقیلاری گوزلرین قاماشدیراندا بیر سیر اولاراق پیریندن آلدیقی آچارینان او جاوابسیز سووال اولاراق او باغلی قاپیلاری آچماق ایسته ییر

(رخ)ون؛شوعله سالیب جمله جهانه

عشقیندن اولموشام  دلی دیوانه

کافرلرده گورسه گلر ایمانه

گورمه دیم سنین تک (م)و(الف)(ه)

صوفی لیک له باغلی شاعیرلرین یازدیقلاری شعیر سیرالاریندا بوتون سوزجوکلر بیر رمز اولاراق گاهدان اونلارین سوز قاتلارینا گیریب یازیلاریندا ایشله نیر؛اگر بیز مئی و یاخود چاخیرسوزونو بو عالیم لرین یازیلاریندا آراشدیرساق او دورولوقلارلا دستماز آلیب حاققین قاپیسینا تاپینماق دئمکدیر؛یوخسا عاریفده اولان ویرقینلیق عالمی هیچ بیر ایچکی و چاخیرینان الده ائلمک اولماز بو بندی دینله یین لوطفا؛

دوشوبدور گوذاریم خوبلار یئرینه

وئردی ساقی لبدن منه (م)(و)(ی)

(مئی) دن مست اولوبدور بو سینیق کونلوم

گوتور نیقابینی گوستر(ر)(و)(خ)

ویاخود یار سوزون تکراری حاق نفسلی شاعیرلرین یازیلاریندا او ایچریلرینده ایتمیش گوزل لیک وارلیق دالینجا دولانماق دئمکدیر کی هر گوزلی گورنده اونون قاش گوزونو قلمه آلیب باطینی سئوگی لرینین شکیل لرینه رنگ چالا ماق ایسته ییرلر ؛بو بندی دینله یین لوطفا

نه مدتدی حسرتینی چکیردیم

زنخدانی ائتدی منی آل ایندی

تالان سالمیش هینده؛بلخه؛حبشه

او قاش ایندی ؛او گوز ایندی؛خال ایندی

 حیرت عالمیندن کشف شهود دئدیگیمیز وارلیقینا قاپانان هوندور باخیشلی اوزان شاعیریمیز خسته قاسیم یئر اوزونده تانرینی دیلچیسی اولاراق اونون قرآن کیتابیندا بویوردوقلارین ساده شکیلده خالقینا یئتیرمه اوچون اوز اینانج باخیشلارینی دا بئله قلمه آلمیشدی؛بو بندی دینله یین لوطفا

عالم معنانی بیلمک؛

ایستمز معناسی وار

دین یولو ایله ائت ذخیره

آخرت میراثی وار

تمیزله خیر و شرینی

قاباقدا وسواسی وار

طالبِ ایمان اولاهر

کیتودا دوران بیزیم   

اوجورکی بوتون خالقیلار اوز عالیم و ضیالیلارینان تانینیرلار؛بیز آذاربایجان  خالقی دا نئچه نئچه عالیم دونیایا بخش ائله مه ینن آدیمیزی دونیا قیزیل کیتابینی آلتون یازیلارینا سالا بیلمیشیک؛بوعالیم لرین بیریده اولکه میزین اوجمانی  ساییلان آذاربایجانیمیزین دلبر گوشه سی اوچان(بستان آباد)یاخینلیقیندا تیکمه داش دئدیگیمیز ایبراهیم کیشی عایله سینده ایشقلی حییاتا گوزآچان اوستاد اوزان شاعیریمیز آتا خسته قاسیم  دئمکدیر؛کی اوز شعیرینده  دوغولدوغو یئرو آتاسی حاققیندا بئله سیرالارا توخونموشدی

باشیم بلالیدیر گوزو یاشلییام

قولاق آسسازمن دردیمی باشلایام

آتام ابراهیم دیر؛تیکمه داشلی یام ؛

اوردا سالینیبدیر رختخواتب منه

تیکمه داش داغلارینین اوشه گول ایپارلاری لا نفس چکن شاعیر یاشادیقی بولگه نین طبیعتی حاققدا یازدیقی سیرالار رسسام شکیلی کیمین داها اوره یاتان و گوز اوخشایان اولور؛بو بندی دینله یین لوطفا

کهلیگین اویلاغی قایالار باشی

قاققیلداشیب تاپار یولداش یولداشی

بره سی برک اولسا اووچوسو ناشی

دوز چیخارلار بدخشانا کهلیکلر

خسته قاسیم یارادیجیلیقینین خیردالیقلارینا توخونماق منجه ائله ده هاساند ایش دئییر اونا کی هر سوزونون قاتیندا مین بیر رمز داشییان بو یازیلاردا داها آرتیق فیکیر یوکسکلیگین طلب ائله ییر؛بو بندی دینله یین لوطفا

تر قددیم ؛تر یارین ؛تر خانه سینه

تر مهمان ؛تر ائیله ر؛ترگولر صنم

تر خوبدور؛تر خوش دور ؛تر نازنین دیر

تر دئییر؛تر سویلر؛تر گولو صنم

گوجلی جیغالی تجنیس لری ایله تانینان خسته قاسیم اوزوندن سونرا کی یازیب یارادان شاعیرلره اورنک اولاراق

اونون یازدیقلارتجنیس بیر مکتب اسلوبونا چئویریلرک چوخلو داوامچیلاری اولموشدی ؛بیر جیغالی تجنیسین دینله یین لوطفا

سحر تئزدن عزم گولشن ائیله دیم

غم منی چولقادی؛آی حاییف -حاییف

عاشیق دئییر؛آی حاییف

کیم لر اولدو؛ آی حاییف

سنینله من سئویشدیم

آییری دوشدوم آی حاییف

باغبان اولدوم ؛باغ بسله دیم ؛نه فایدا

درمه دیم گولونو؛آی حاییف حاییف   

سوزومون سونوندا گئچن ایللر تیکمه داشا یولوم دوشنده قوناقی اولوب شاعیر  دوستوم  قنبر معللییم بیرگه  خسته قاسیم توربه سی قارشسیندا دیز چوکوب بویوک شاعیرین روحونا دوعالار اوخویاندان سونرا اورادا فیلبیداهه یازدیقیم بیر قوشما ایله سیزین حالال لاشیب گلن گوروشونه قدر

هئله لیک دئییرم

حورمتله ائلچی بئ

انزلی شهری

شهریور آیی نین 12/6/1395

اولو شاعیر

اولو شاعیرکعبه دئییب گلمیشم

مزارینا سندن ایمداد ایسته رم

دیلنچی تک اوز گتیریب قاپینا

خوجام درگاهیندان موراد ایسته رم

بیزیم یئرده سال چکیلمیش قالا یوخ

حال اوسته ییم هیچ فورصتیم قالا یوخ

مندن سونرا بیرجه واریم قالا یوخ

پیرین محببتین زیاد ایسته رم

هر چیجکدن سنه دسته گوتوردوم

یول اوزونو گله گله ایتیردیم

یورقون قوش تک بیرا پناه گتیردیم

غفلت یوخوسوندان اویاد ایسته رم

دوشگون (ائلچی بئ) ییم یوللار یورقونو

کوله لر یورقونو قوللار یوروقونو

شاهلار ساخلاریارلارشاعیرین قوربونی

صِلَه وئر باشیمی اوجالد ایسته رم

شاعیر اوجاغیندان موراد ایسته رم

 


Sharron
جمعه 17 آذر 1396 06:07 ب.ظ
I blog often and I really thank you for your content.
Your article has really peaked my interest.
I will take a note of your site and keep checking for new information about once a
week. I subscribed to your RSS feed as well.
http://plaza.rakuten.co.jp
چهارشنبه 18 مرداد 1396 08:03 ق.ظ
Nice post. I was checking continuously this weblog and
I am impressed! Very useful information specially
the remaining part :) I take care of such info a lot.
I used to be looking for this certain info for a very long time.
Thank you and good luck.
http://guardedarbiter383.snack.ws
شنبه 14 مرداد 1396 06:10 ق.ظ
Heya i am for the first time here. I found this board and
I find It truly useful & it helped me out much. I hope to give something back and aid others like you helped me.
Gonzalo
دوشنبه 25 اردیبهشت 1396 01:32 ب.ظ
Currently it sounds like BlogEngine is the preferred blogging platform out there right now.
(from what I've read) Is that what you're using on your
blog?
manicure
یکشنبه 13 فروردین 1396 08:05 ق.ظ
This is the perfect website for anyone who wishes to understand this topic.
You know a whole lot its almost hard to argue with you (not that I personally would want to…HaHa).
You definitely put a new spin on a subject which has been discussed for years.
Great stuff, just wonderful!
bahar
شنبه 13 شهریور 1395 11:07 ق.ظ
عالی بود دمتون گرم مرسی و خسته نباشید
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر

آپلود نامحدود عکس و فایل

آپلود عکس

دریافت کد آپلود سنتر

آپلود عكس