تبلیغات
دل نوشته های ایلچی خلخالی ( ائلچی بئی ) - ایوب عمی نین.................
پنجشنبه 13 خرداد 1395

ایوب عمی نین.................

   نوشته شده توسط: ائلچی بئی    

ایوب عمی نین یارادیجی عالمینه بیر باخیش

سئوگی نامینه

اینسان اوز یاشاییندا ایلکن هر نه یی اولچویه سالیب سونرا اونوندان یارارلانا بیلیبدیر؛قالیبه سیغمایان اولچولرین اوسدو هئله ده آچیلماییب؛ ؛بوتویلوکده بشر تمدن یولون گله گله ایسده ییب چتین لیکلرین آرادان قالدیرسین؛امما گاهدان اوز گلدیگی یولون داش کسه یین گوتوروب اوزگه نین یولونا توکنده چاشقین  یارادیبدیر؛بیزبشرتاریخی نین گئچمیش اولایلارین علمی اسلوب لا آراشدیراندا اوج اوجا دویونلنمیش یوز ایللیکلرین قاتیندا قانلی قادالی سولاخای دهشتلر گوزه دئییرسه ؛تئره زینین ساق تاییندا یوم یوموشاق اینجه صنعت شعیر و موسیقی دایانیر؛بلکه ده اینجه صنعت اولماسایدی بشر تاریخینده وایجتماعی یاشایش فرقیلی اولا بیلردی؛ایلکن بو اینجه صنعتین قاتیندا عشق وسئوگی ایشیقلانیر؛عیرفان دوشونجه لری نین سیراسیندا ساییلان بولوملر؛ ایستکدن باشلانسادا ایکینجی سیرادا سئوگی اوچونچو سیرادا سئوگیدن اوت آلیب یانماق آنلاری گوز اونونه گلیر؛یئر تانریسینان آل وئر ائدن یارادیجی اینسان سئوگیدن آلیشیب یانماغی گاهدان های هارایلی اولماغینا باخمایاراق ائله گوز اوخشایان اثرلر یارادیرکی گونشدن شوئکه آلان گوزگو کیمین حییاتین قارانلیقی ورینده(طرفین) ایشیقلاندیریر؛سئوگی دن اوت آلیب یانان اینسانین ایچینده اولان خاملیقی پیشدیگجه اوزو بیلمه دن حیرت عالمینه قاپانیر؛ اورادادیر کی سئوگی اورکدن ایلیگه و ایلیکدن سوموگه یول تاپیر ؛و بو اینسانین اوزلوگونده بیر ایشیق یارانیر؛و هنده ورینده اولان قارانلیقی ایشقلاندیریر ؛بیر بئله سوز سیرا دوزمه گینن سیز حورمتلی اوخوجولارا بیر شاعیردن سوز آچماق ایسده ییرم کی اوز وارلیقیندا سئوگی دن اوت آلیب یار یار دئییه دئییه درد اوسده  قوردوغو قیزیل کرپیچلی سارایین ال الوان چیراغلاریلا گوی اولدوزلارینا قاش گوز آتیر ؛بو آلتون قلمین صاحابی آذاربایجانین اللرده قالان کلبجررایونون مممد صفی کندینده 1937 اینجی ایل توللودولو ایوب جاببار اوف ایمران اوغلو(ایوب عمی)دن سوز آچیرام؛بو شاعیر کند تصروفات ایداره سینده(اداره کشاورزی) ایشله مه یین باخمایاراق؛آذاربایجان یازیچیلاری بیرلیگی نین عضودور؛ایندی یه کیمین بئش کیتابین(آیریلیق گوروشوندن قاباق)(گوناهلی دونیا)(آی آرخادان باخان ائللر)ایوب صنم داستانی)(یامانجا توتولدوق قارغیشا داغلار) ماالفی دیر؛ایوب عمی گوی پیچیلتیلاری بیر رمز اولاراق اوز گئچمیش حاق نفسی لی شاعیرلر یونوس ائمر ه ویاخود عابباس توفارقانلی وخسته قاسیم دان پای آلسادا ایوب عمی نین آذاربایجان عاشیق ادبیاتی دئییلن هیجا شعیریاتیندا اوز لپیرلری(ایاق ردی) واردیر؛ ایوب عمی نین دوغولوب بویا باشا چاتدیقی بولگه اعجازکار طبیعته مالیک اولدوغونا گوره اورادا یارانان شاعیرلرین یازیب یارادیق لاری سیرالارطبعتین یام یاشیلیقی اولاراق ؛اوزوده ایپک ساپلارینان بیربئله خالچا شکیلی یاراتمیشدیر؛ بو بندی دینله یین لوطفا؛

سحر قارانلیقدا قارشیلاشاندا

چیچکلر دیکسینیب پیچیلداشاندا

قایادا کهکلیک لر قاق قیلاشاندا

گونش دَلی داغدان دوغان آندا گل

دلی داغین گونشی ایله حییاتدا گوز آچان ایوب عمی شعیر ایله آنادان اکیز دوغولماغینا گوره بیر چیلغین طبعین ایله گوزلیکدن واز گِئچه بیلمرم دِئییه هئله گنج یاشالاریندان بیرائییلی ایپاری قیزیل گولوگوررکن اونون قاباغیندا دیز چوکوب بئله سیرالار دوزموشدی؛

منیم قیزیل گولوم منیم آغ گولوم

نئجه پارداقلانیب لئچک لنمی سن

هَدَر ایللریمی گئری قاریتاریب

سن منیم عؤمرومده چیچک لنمی سن

 قوجامان شاعیرین شعیرینی اگر شاه ساراییندا ن آسلانمیش تونج خیردالی چلچراغا اوخشاتساق هئچ یانیلمامیشق؛ ندن کی اگر او چیراغی گوتوروب الده سیلکه له سک بیردنه سیرقادا اوندان قوپوب یئره دوشمه یه جک؛بیر بیرینه توخونان بو سیرالار گلین بویون باغی کیمین ائله بیر بیرینه چالقاقلانیبدیر دیرکی اوندا آخساقلیق و سالخالیق گوره بیلمه ریک ؛بو بندی دینله یین لوطفا؛

یادیندامی پیچیلتیلی مئشه لر

اوتانجاق نرگیزلر تر بنؤشه لر

خان چیناردا آییریلاردیق بیر تَهَر

توراجلار اؤتنده آلا تورانلیق

ایوب عمی آلا تورانلیقدا ایتیردیگی کلبجره اوز توتاندا یانا یانا دوزدوگو سطیرلر؛ قاچقینلیقدا و دیدرگینلیگده یاشاماغی هر اینسانین گوز اونونه گئتریب سوموگونه بیر آغیر آغری اوتورور؛بو بندی دینله یین لوطفا؛

                           باخاق گؤرک (ایوب) قیسمت نه وئرمیش

قوربت دادین؛ یاشایانلار بیلرمیش

اؤلمه یه جم کلبَجری گؤرمه میش

یاشاییرام هئله جاندا دؤزوم وار

بیر سوزو آچیقلاماق ایسده ییرم ؛اودا بودورکی هر بیر کیمسه دونیانین هر بیر بیجاغیندا دوغولوب اوشاقلیق و گنج عومورون یاشاییبسا اورا اونون دونیا باشلانیش یئری سایلیر؛عومرونون آخیرینین هارا گئتمه یین بیلمه سه ده دوغولدوقو توپراق اونون باشلانیش دونیاسی دئمکدیر؛چونکه او توپراقدا تکجه دوغولماییب بلکه اوز بوی بوخونو قَدَر او طبعیتدن نفس آلیب و اوزدونیالیق دوشونجه فورماسین او طبیعتله دوگون دوگونه ویریب ؛ایندی گلین گورک اوز وارلیقین کلبجرده قویدوغو شاعیریمیز اوز ایتیب باتان گونلرینی نئجه خاطیرلاییر؛

قارا گلدی دوخسان اوچون باهاری

غم دریاسی چالخاندی بیر ایلدی

ناغیلاشیب اؤلو داغلار کلبَجر

یوللارینین باغلاندیغی بیر ایلدی

داها دوغروسو ایوب عمی نین سئوگی له باغلی یازیدیقی شعیرلر ؛داها گوجلو گئدیر چونکه بو شاعیر ذاتا سئوگی شاعیریدیر؛اولسون کی طالعی دوز گلمه ینده دوغولدوقو توپراغی الدن وئریب یولونون یوققوشا دیرمانان چاغلارینی قاچینلیق دا یاشامیشدی ؛سوزونون گوجونه آرخایین اولان شاعیر اوز ایسده دیگی صنم آدلی قیزا یازیدیقی شعیرلر سوزومون ثبوتونا  اولاراق بیر بندین دینله یین لوطفا

دانیشدیردیم صوحبتیمی اویمادی

یاخینلاشدیم یاخینینا قویمادی

اللی ایلده صنم منی دویمادی

بیر قوشمام صنمی ائله تانیتدی

یوخاریدا یازدیقیم کیمین یئر تانری سی نان حاللاشان اینجه صنعت اوستادلاریمیزین یارادیقی سیرالار گاهدان اینسان خسته لیگینین درمانی اولاراق (شعیر موسیقی نی)اوخوجولار اونو بیرتوخدادیقیجی درمان کیمین  اوخویوب قایقیلارینا(دردلرینه) مرحم قویورلار؛بو بندی دینله یین لوطفا؛

دیلیمده آللاهین دوعاسینداسان

عشقیمین قایساقلی یاراسینداسان

منیم اوره یمین آراسینداسان

بو قلبیمین مئهربانی سن اولدون

اوره یینده گیزلی ساخلادیقی محببتی شاعیرقلمه آلاندا داها دوغروسواوزونه قاییدیب یئردن گوی یه ایشیق سالان بیر گونش کیمین بوتون اولدوزلارا قوجاغیندا یئر وئریر؛نییا کی سیرری آچیلماز گویلرین  قاتیندا  سونسوزلوق دایانیر؛ بوتون وارلیق اونون قولتوغونا سینیغیب های هارایینان یولونا داوام ائله ییر؛گاهدان داریخیب بو گئنیش سونسوزلوغا سیغمایان شاعیر سئویدیگی  یئر تانری سی لا دردین پایلاشیب  اونا یالوار یاخار ائلییرکن؛دونیا سنن منه گرکدیر دئییه بئله موراجیعت ائله ییر

سیغاردی قلبیمه دونیا سن ایله

سن سیز دونیا منه داردی کی داردی

هاواسیندان گولوش یاغان گؤزلریم

حسرتیندن آغلاردی کی آغلاردی

بونا اینانیریق کی ایوب عمی نین توره سی یوخون گله جکده ایشغال اولونموش توپراغلاریمیزی آلیب اوز آتا بابا یوردو ساییلان کلبجره اوز توتاجاقلار؛ امما بیر نیسگیلی اونوتمایاق  کی تاریخیمیزین گرگینلیک آنلاری اولاراق کلبجرویا خود قاراباغ حاقسیزلیقا معروض قالمیش بیر بولگه کیمین قوجامان شاعیریمیزین یازیلاریندا یوز ایللیکلراوتدوگجه اسیر یاشایاجاق؛بو بندی دینله یین لوطفا

ناغیل لاشان بیر کلبه جر واریمیش

باشدان باشا قیزیل خزنه ییغیلمیش

منیم کیمی یورد یوواسی داغیلمیش

پله سنگ اوبالار دورورمو گؤرن

سوزومون سونوندابو کیتابد ا 24 شعیری گئدن ناکام شاعیریمیز یاقوب توربه سی نین قاباغیندا باش اَئیَیرَک؛ اولوق شاعیریمیز اویوب عمی یه جان ساغلیغی دیله مه ینن بو کیتابی کیریل روس  سیریقیندان عرب الفباسیلا تورک دیلینه کوچورن دَئییرلی  هونرمندیمیز تاریملی اوستاد مسلم جانمندیدن تشککور ائله ییب بئله ایشلریمیز مین اولسون دِئییه گئچن گونلرده ایوب عمی یه ایتحاف یازدیغیم بیر قوشما ایلا گلن پایلاشانا قدرسیزینله حالالاشیرم ؛هئله لیک

حورمتله ائلچی بئ

انزلی لیمانی

10/3/1395

 

ایوب عمی

سن کلبجر ایتیردین من اوزلوگومو

دَلیر اوره ییمی سوز ایوب عمی

داشا یایی چکیرم سوزون اوخونو

قایتاریر بیلمه دُوز ایوب عمی

زیروه ییم زیروه سی قارسیز اولموشام

بیربئله واریملا وارسیز اولموشام

بوگونلر ائله بیر عارسیزاولموشام

وارلیقین قورومور گوز ایوب عمی

یاماجدا اوتوروب داغ آغلاییرام

بندیندن قوروموش باغ آغلاییرام

گاهدان دیزلریمی داراقلاییرام

قالدیرا بیلمیرم اوز ایوب عمی

هوردی توپراغیمدا هورمچک تورون

کیم بیزه توش گلدی گورسدی زورون

آنا قوجاغیندا شکیلین گورون

سینه سین اوخشاییر کوز ایوب عمی

داش دئییدی شوشه یه من جینگیله دیم

*صنم.ی اوخودوم سنی دینله دیم

*یاقوبی اوخشادیم هئی اینگیله دیم

توکولدی باشیمنان بوز ایوب عمی

 (ائلچی بئ) ایسده رم اولم دردیمی

آغلایام دردیمی گولم دردیمی

بیر دَئییر سنین له بولم دردیمی

سایینی وئرمیسن یوز ایوب عمی

*صنم- ایوب عمی نین سئودیگی بیر قیزین آدی اولوب

*یاقوب- ایوب عمی نین دونیاسین دئییشمیش دوغما دوغار شاعیرقارداشی دیر


super mario run cheats
چهارشنبه 27 دی 1396 10:12 ب.ظ
سلام فقط می خواستم به شما یک سر کوتاه و به شما اجازه می دانم چند از تصاویر
به درستی بارگیری نمی شوند. من مطمئن نیستم که چرا اما من فکر می کنم یک مسئله اتصال است.
من آن را در دو مرورگر مختلف و هر دو سعی کردم
نتایج مشابهی را نشان می دهد.
Elden
جمعه 17 آذر 1396 06:04 ب.ظ
Hi every one, here every one is sharing these kinds
of know-how, so it's pleasant to read this website, and I used to go
to see this website every day.
are psychics real
سه شنبه 30 آبان 1396 06:26 ب.ظ
سلام، البته این نوشتار در واقع خوب است و بسیاری از چیزها را از آن یاد گرفته ام
آن را در مورد وبلاگ نویسی. با تشکر.
http://lozcantrell.hatenablog.com/
شنبه 14 مرداد 1396 10:45 ق.ظ
Hello there, I found your blog by the use of Google at the same time as looking for a
comparable topic, your website came up, it seems good. I have bookmarked it in my google bookmarks.

Hello there, simply was aware of your blog through Google, and found that it is really informative.
I am gonna watch out for brussels. I'll be grateful in case
you continue this in future. Numerous other folks shall
be benefited from your writing. Cheers!
Kandy
دوشنبه 25 اردیبهشت 1396 03:28 ق.ظ
Having read this I believed it was very enlightening. I appreciate you taking the time
and energy to put this information together. I once again find myself personally spending a lot of time both reading and posting comments.
But so what, it was still worthwhile!
Clay
شنبه 23 اردیبهشت 1396 02:53 ق.ظ
I know this if off topic but I'm looking into
starting my own blog and was curious what all is required to get
set up? I'm assuming having a blog like yours would cost a pretty penny?
I'm not very web smart so I'm not 100% sure.

Any tips or advice would be greatly appreciated.
Appreciate it
درسا
پنجشنبه 13 خرداد 1395 01:15 ب.ظ
عزیزم می دونی چرا بازدید وبلاگت کمه ؟
میخوای بازدیدت رو زیاد کنی؟
یه راه آسون و بدون هزینه واست دارم.
تبادل لینک کن
با وبلاگ من ( چون مخصوص تبادل لینک و افزایش بازدیده )
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر

آپلود نامحدود عکس و فایل

آپلود عکس

دریافت کد آپلود سنتر

آپلود عكس