تبلیغات
دل نوشته های ایلچی خلخالی ( ائلچی بئی ) - توی عنعنه لریمیز
پنجشنبه 29 مرداد 1394

توی عنعنه لریمیز

   نوشته شده توسط: ائلچی بئی    

1---اوخ آتماق
2---قیز بَیَنمك
3---اوغلانین قیزا دسمال وئرمه گی
4---هَئی آلماق
5---ائلچی لیك ائلمك
6---اوزوك تاخدی
7---قت سیندیریب شیرین ایچمك
8---شهره گئدیب پالتار ویاخود پارچا گوتورمك
9---خونچا بزه ییب گلینه بایراملیق قربانلیق آپارماق
10---خینا یاخدی عنعنه سی
11---توی بئ ی
12---ساق دوش سول دوش
13---ینگه خاتین
14---گلین بزه مك
15---گلی نین بئلین قاینی باغلاماق
16---جهیزی صاندیقینین اوسده اوتورماق
17---قاپی كسمك
18---گلینین آتا ائویندن چیخاندا كرگانی (قاپی آسداسین)اوپمه گی
19---آتا آنانین قیزا خییر دوعا وئرمه سی
20---بیلاق باشیندا بئی بزه مك
21--بئی یین دامنان آلما آتماسی
22--ینگه نین خاتینین قاپی دالیندا قالیب توی صاحابلارینا خوش خبر گتیرمه گی
23--دوئاق قاپماق
24---گلینین ائل طایفادان و یاخود دوره بر آق بیرچك و آق ساققالدان قاشماسی
25--ایاق آشدی مراسیمی
26---تویا گلن عاشیقلار كند یئرینده  بیر ایل گئچمیشدن آدامی اوله نین زورنا بالاباننان حوضورون گوتورمك


ایضاحات بو عنعنه لرین هاممیسی نین اوز یئرینده خالق شیفاهی ادبیاتی دئدیگیمیز اوخومالاری ویاخود سوزلری وار بلكه ده كی اوتای بو تای یاخود بولگه بولگه بو عنعنه لر فرقلی اولسون 

1---اوخ آتماق عنعنه سی دده قورقورد كیتابیندا بئله گلیب دیر هر اوغلان اوشاغی نین ائولنمك واقتی گلن كیمین آتا ائوینده قالیب اوخ آتماقی اونا تكلیف ائلیینده آتدیقی اوخ هر یئره دوشسیدی عایله سی اوریئرده گنج اوغلانا چادیر قوروب و یاخود ائو دوزلدردیلر آرواد آلیب اورادا یاشاسین  و اوخ آتیلان چاغدا بوتون دوره برین آدامی یغیشیب قربان لیق زاد كسیب شنلیك ائلییرك گوله شیب بیر لیكده آت یاریشی گئچیردردیلر یغیناقین سونوندا دئییه گوله هاممی یمه گین ییب تانری قوتلو ائله سین دئییب اوز ائولرینه اوز گئدردیلر

2---قیز بینمك---قدیم چاغلاردا اوغلانین آناسی و یاخود باجیسی بیر قیزی گوزو نون آلتدا یاتیردماقینان اوغلانا ایسماریش یوللایاردی كی بو قیز ی سنه آلماق ایسده ییریك اوغلاندادئییلن قیزی تانییب بینمیشدسه اوندا قیز بینمك مراسیمی گئچردی اودا بئله دیر كی اوغلان طرفینن نچه آهیل قادین آناسی و یاخود بویئوك باجیسی باشدا اولماقلاگئدیب نیشان توتوقو قیزین باشی نین توكونن توتموش بدنینه كیمین باخیش زاد گئچیرردیلر كی عیبجر زاد اولماسین ؛بعضی آنلاردا اوغلان قاباقدان قیزی گوروب بینمیشدی سه اوغلان اونا همان قیزا دسمال وئرمیشم دئییه آییری سوبای اوغلانلارین حاققی یوخودو او قیزا دسمال وئریب یاخود اونون آدین گتیرسینلر

3---هئی آلماق---بو ایشده اوغلان ورینن بیر ایكی نفر آهیل آدام كیشی و یاخود قادین فرق ائلمز قیزائوینه گئدیب ایكی طرف سوزو پایلاشیب اله گلن نتیجه نی اوغلان طرفینه گتیرردیلر

4---ائلچی لیگ ---قاباقدان قیز ائوینه خبردارلیق ائلییركن بیر اوغورلو گونو مثلا جوم آخشامی و یاخود ایماملارین زادین دوغوم گونونون نظرده آلاراق هر ایكی طرف ائل طایفانین آهیل آق ساققالین چاغیریب رسمییتینن قیزین آتا ویاخود آناسیندان ائلچی لیگ ائدردیلر بعضی آنلاردا ائله ائلچی لیك گئجه سی دء دانیشیق ائله ییب صورت توتولاندان سونرا قیزین بارماقینا اوزوك تاخیلیب قت سیندیراردیلار بعضی آنلاردادا اوزوك تاخیب و قت سیندیرماق آیری گونلردده اولار بیلردی

5---بایراملیق و قربانلیق ---ئزه گلین نقدر آتاسی ائوینده قالماقینا باخمایاراق اوغلان وریندن اونون هر بایرامدا بایراملیقینان قربانلیقی واقتدی وقتیندا گئتمه لیدیر بو پای آپارماقادا خونچا بزمه دئییلیب  پالتاردان قتده شیریندن مژمه لره یغیب اوسدونه قیرمیزی پارچا چكیب قوچ و یاخود قویون قربانلیقین بویونا قیرمیزی خلت سالیب بیر اوغلان اوشاغی قاباقجاقویونون بوینونان یاپیشیب  اونون دالیجادا تئزه گلین لر ویاخود سوبای گنج قیزلار بزنمیش خونچالاری باشلارینا آلیب گلینه ائوینه گئدردیلر بو بیر عنعنه اولاراق آخشام قاش قارالاندا ایتفاق دوشردی

6---توی تفلیكی---تویا بیر آی یاخود اون اون بئش گون قالاندا بیر نفر اینداكی (دعوت)ائله یین تویا چاغیریلانلارین آدین یازیب بیر كاغاذا هنده وردن اولان كددلره یوللاردیلار بو تویا تفلیك ائله یین آدیندا اینداكیچی دئییب چاغیردیقی كیمسه لرده بئش اون تومن پولدان خلتدن زاددان وئریب الله موبارك ائله سین دئییه یولا سالاردیلار  

7---پالتار گوتدی ویاخود پارچا كسدی مراسیمی---تویا بئش اون گون قالاندا اوغلان و قیز ورینن نچه نفر آرواد كیشی پالتار گوتدو پارچا كسدی مراسیمینه گوره شهره گئدیب فارسلار دئمیشكن اوز خریدلرینده ائلردیلر

8---خینا یاخدی---تویا بیر ایكی گون قالاند ا قیز ائوینده ائل طایفانین ایشتراكینان خینا یاخدی مراسیمی گئچیب تئزه گلینین الینه خینا یاخاركن اورادا اولان اینداك (دعوت)اولونموش قیز گلینده خوشباخت اولاجاقلارینا ایناناراق اللرینه گلینین اولوب قالانین خیناسیندان یاخاردیلار

9---توی بئی ی---توی باشلانمامیشدان اوغلان وریندن بیرنفر بئی ین یوخونلاریندان توی بئی ی سئچیلیب توی قوتارینجا موطلق تئزه بئی ی ینن چئیین به چئیین گئدمه لیدیر بئی جان گوده نی سایلیردی

10---ساق دوش سول دوش---هر ایكی نفر بئی ین تانیشی گنج لردن ساق دوش و سول دوش سئچیلیب بئی نن چئیین به چئیین دولانمالیدیلارو یاخود دامنان آلما آتاندا ساق و سولوندا دورمالیدیلار ؛بعضی بولگه لرده بئی اوز یاشادیقی آتاائوینین قاپیسینین اوسدونه بیر پیچاق سانجیب اوز عهد ایلقارینه صادیق قالماسی نی نیشان وئرر

11---گلینین آتا ائویندن چیخارتماسی---بئ طرفینن گلن قوناقلار هاممسی قیز طرفینه ائویز آوادان دئییه دئییه گلینی بئ آتاسینا ویاخود قارداشینا عمی سینه تحویل وئریب یولا دوشنده قیز ورینن بئ آدامینین اوزونه اون یاخماسی . بعضی بولگه لرده یالنیش اولاراق گلین آپارانلاری قیز آداملاری نین اوغلان طرفینین آداملارین داش باسیب هویلاماقلاری

12---ینگه---قیز ورینن بیر نفر تانیش آهیل قادین  سئچیلیب تئزه گلینی بئی ین اوتاقینا كیمین موشاییت ائله ییب تئزه بئی ی تحویل وئریب گلینین قیز اولوب اولماماقین اوغلان طرفینه موشدولوق وئرركن اوز خلعت پایین طلب ائلییردی

13---كرگانی اوپمك---تئزه گلینی بزه ییب آتا ائویندن چیخارداندا گلین خانیم اءییلیب قاپی آسداسینی اوپمه گی آتا آنا سیندان قدیردانلیق ائلمه گی

14---آتا آنانین خییر دوعاسی ---گلین ائوده چیخاندا قیزین آتا سی یاخود عمیسی و یادا قارداشی قولوندان توتوب خیر دوعا وئرمكلری

15---بئل باغلاماق---تئزه گلینین قاینی اونون بئلین باغلاییب بو ماهینی اوخویاركن 
    گلین باجیم دوز گلین
  آی باخیشلی اوز گلین
  یئدی اوغول ایسترم
بیر جه دَنَه قیز گلین
 قیرمیزی شالینان گلین بئلین باغلاردی

16---صاندیق اوسده اوتورماق----قیزین جهیزین آتا ائویندن آپاراندا قیز طرفیندن بیر ینی یتمه گنج اوغلان صاندیقین اوسده اوتوروب انعام طلب ائلمه گی

17---قاپی كسمك---گلینی  آتانین ائوینین حییت قاپیسیندان چیخارداندا قوروم قونشودان اولان نچه نفر گنج اوغلان اوشاغی قاپی كسیب انعام طلب ائله مكلری

19---بیلاق باشیندا بئی ی بزمك---بوتون بئی یین تای توشلاری لا بیر گه دللك بئی آپاریب بیلاق باشیناآپاریب اوز گوزون قیرخیب تئزه پالتارین گئییندیرمك مراسیمی اولاردی بو ایشده دللك هردن دایرا چالیب اوخویاركن اورادا ایشتراك ائلیینلردن پول طلب ائلمه گی

20---جاماهاتین بئ گلیلینی آلقیشلاماقی---بئ یی بیلاق باشیندا گتیریب بیر اوجا دامین اوسدونه چیخاردیب یوخون ائل فامیلی بوینونا شال خلت سالا سالا گلینده آتا میندیریب تنگه ده اونون قارشیسینا چیخاردیب دیز گوجلو كیشی لرین بیر بیر لرینن گولشمه سی 

21--گلینین ار ائوینه گیرمه یی---گلین گلیب قاین آتانین ائوینه یتیشنده قاباغیندا قربانلیق كسیب  ایاقینا ارسین آتاللار و یاخود ایاقین آسدانادان ایچری قویاندا ساق ایاقین بیر یومورتانین اوسدونه قویوب ازمه لیدیر بعضی بولگه لر نعلبكی ده قویوللار

22--گلینین ار ائوینده اوتورماماقی--- گلینی گتیریب قایین آتانین ائوینده اوتورداندا تئزه گلین اوتورما هله گورك قایین آتا سنه بیر زاد باغیشلاسین قایین آتادا بیر باغدان یاخود آغیر قیمتلی بیرزاد آد ائله ییب باغیشلایاندا سونرا گلینین یئره اوتورماقی

23---عاشیق لار تویدا---توی صاحابینین تاپشیریقینان تویا گتیردیگی عاشیقلار اولده بیر ایلین ایچینده كدده آدامی اوله نین  قاپسیندا بیر ایكی هاوا چالیب اونون حوضورون گوتورمه لیدیلر

24---زورنا بالاباننان گلینی موشاییت ائلمك---گلینی آتاسی نین ائویندن آلیب آتا میندیرنده عاشیقلار موطلق چیخیش ائله مه لی قارا زورنالار صاداسی آلتیندا گلین آتا مینیب بئی ی ائوینه ساری یوللانمالیدی

25----كیشی قادین مجلیسی آییری---كیشی قادین مجلیسی آییری قورولوب تویا چاغیریلان عاشیقلار كیشی مجلیسینده چیخیش ائلییركن تویا گلن قوناقلاری فیضییاب ائله ییب گاهداندا دایراچی قارداش ماخلوقو اوز شیرین شیرین چیخیشینان گولمه شكر ائله ردی  قادین مجلیسینده آرا سیرا خانیم دایرا چالیب  اوخویانلاریدا اولاردی

26---توی پایی ---تویون گئجه سی كیشی لرین مجلیسینده بیر ساوادلی الینده قلم دفتر توی یانا وئرنلرین پولون آلیب حورمت  اولاراق مجلیسده اوتوران بیر آهیل آق ساققالین قاباغینا توكردی كی سایلسین؛ وایاق اوسده گزیب توی پایی آلان كیمسه عموما دایراچی بو ایشی گورردی پول وئرنلرین بیر به بیر نقدر پول وئرمكلرینه اوجا سسینن چاغیریب بئله دئییردی

مئشه زیدالله 10 تومن وئردی
 بئش تومن آلدی
 ائوین چوخ آوادان مئشه زیدالله
 گونه گون اولسون
سنین سوبای بالالاریوین تویونا گلك

27---دوئاق قاپدی---دونن گونو اوغلان قیز ائوی بیرلیكده قوروم قونشو چاغیریب دوئاق قاپدی مراسیمی گئچیرردیلر بو عنعنه بئله دیر اوز اورتولو گلین كی اوغلان ائوینه گلردی اوزونون حاققی یوخودو ار عایله سی نین یانیندا باشیندا اولان آل چارقاتی گوتورسون ائل طایفانین خانیملاری یغیشیب گلینین اوزونده اولان گوتوروب گلینین بو ائوده دوروب گونده لیك ایشلرین گوره بیله جه گجین هاساند ائله ردیلر بو مراسیمدده دوئاق قاپی مراسیمینه گلنلر اللرینده گتیردیگی پایی پولدان پارچادان زاددان ائله اورادا گلینه هدییه اولاراق وئرردیلر بیرادادا بیر عنعنه اولاراق بال كره نی بیربیرینه قاتیب گلینین ساق الینه قویاركن الینده همان الین چارقاتین آلتینان یوخاری توتاندا بیر بالاجا ینی یتمه اوغلان اوشاقی گلینین الینده كی بال كره نی گوتورمك بهانه گلینین چارقاتین گوتوروب اوزون آچاردی بونوندا بیر ماهینی سی وار بیر آهیل اوشاغین دیلینجه بئله دئییردی

الینده ده كی بال كره نی
باشیندا كی آل وَره نی
تاباقداكی ورده نه نی
قاپیم قاپماییم
دوره اوتورانلار سس وئرردیلر قاپما باخت وردیر بیر نچه یول بو سوزلر تكرارا دئییلندن سونرا اوغلان بال كره نی گوتوروب چارقاتیداقالپیب قاچاردی  

28---گلینین و یاخود بئی یین آهیل ائل طایفادان  قاچماسی---گلین تویدان سونرا قیرخ گون گاهدان ایكی آی تنگه باجایا چیخمامالیدی  اگرده غافیلدان بیریسین گورسیدی یاشماقین اوزونه توتوب اوندان قاچمالیدی اگر بیر ساق بیرچك و یاخود آق ساققالینان قارشی قارشی یا گلیسیدی آق ساققال ویاخود آق بیرچك بیر پولدان زاددان تئزه گلینه وئریب داها گلینین بوندان قاچماسی سونا چاتاردی بئی اوغلاندا بئش اون یئرمی گون دوره بر آق ساققال آق بیرچكدن قاچمالیدیر یوخونلاری ایاق آچدی ائله مه یینن بودا سونا چاتاردی

29---ایاق آشدی مراسیمی---قیز طرفینن بئی ین ایاق آچماسی دا قالمیشدی قیزین عایله سینه گاهدان بیر آیدان سونرا و یاخود ایكی اوچ آیدان سونرا قیز ائوی دوره بر گنج لری یغیب اوز كوره كنلرینده ائویلرنه قوناق ائلیركن بوندان سونرا یئزنه نینده اوز قایین آتاسین ائوینه گلیب گئدمه سی داوام ائلردی


Cialis generic
شنبه 18 فروردین 1397 10:39 ب.ظ

Terrific information, With thanks!
cialis rezeptfrei sterreich if a woman takes a mans cialis canada discount drugs cialis ou trouver cialis sur le net cialis price thailand cialis price in bangalore trusted tabled cialis softabs cialis herbs when will generic cialis be available tadalafil
Modesto
دوشنبه 25 اردیبهشت 1396 02:19 ب.ظ
If you are going for best contents like me, only pay a quick visit this web page everyday for the reason that it provides quality contents,
thanks
جامع المزخرفات
یکشنبه 25 بهمن 1394 11:10 ب.ظ
یاشاسین
لاین بلاگ
جمعه 30 مرداد 1394 09:50 ق.ظ
با ساخت وبلاگ در سیستم لاین بلاگ روزانه بیش از هزاران نفر بازدید داشته باشید.....
فقط کافیست مطالب خود را در لاین بلاگ نیز انتشار دهید

پس همین حالا وبلاگت رو روی لاین بلاگ بساز
www.lineblog.ir

دوستان زیادی توی لاین بلاگ وبلاگ دارن
تو هم به جمع اونا بپیوند
بانک وبلاگ های ایرانی
پنجشنبه 29 مرداد 1394 08:02 ب.ظ
با ثبت وبلاگ خود در بزرگترین بانک وبلاگ های ایرانی بازدید خود را چندین برابر کنید..
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر

آپلود نامحدود عکس و فایل

آپلود عکس

دریافت کد آپلود سنتر

آپلود عكس