تبلیغات
دل نوشته های ایلچی خلخالی ( ائلچی بئی ) - جابیر لوطفی (آران اوغلو)نون بوزقوش چیچکلری آدیندا .کیتابینابیر باخیش

گوی تانری سینین آدینان

اون سوز

بوتون سوز ثروتینه مالک اولان یازیچی ویاخود شاعیرلرمن دئیردیم دونیادا اَن بیرینجی وارلی کارلی آداملاردیلار اونا گوره کی بویوک فضولی نین دیلینجه دئسک

خلقه آغزین سِیررینی هردم قیلیر اظهار سوز

بونه سِیرردیر کیم اولور هر لحظه یوخدان وار سوز

آرتیران اوز قدرینی  صدق ایله قدرین آرتیرار

کیم نه مقدار اولسا اهلین ائیلر اول مقدار سوز

سوز یئر ثروتی یوخ بلکه ده سونسوزگویلرین وارلیقی سایلیر. بیز حاق درگاهیندان گلن موققدس تانیدیقیمیز کیتابلارا ارجا ائدنده بو سوزون ثبوتون گوره بیلیریک نییا کی گوی تانری سی نین موطلق سوزو بیزیم آرامیزدا گئدیر . بیزیم خالق آرا سی بیر سوزوم وار دئیرکی سوزومو یئره سالدین . بو او دئمکدیر سوزموققدس اولاراق  یئره دوشممه لیدیر موطلق اونون مقام مرتبه سین اوجا توتمالییق .بو آرادا سوز ثروتینه ییه لنن کس لردده دوزوملو گوجه. درین باخیشا .واولوق روحا مالیک اولمالیدیلار. چونکه بو آغیرلیقی و بو یوکسکلیگی هر کیمسه داشییا بیلمز . بو آرادا جابیر لوطفی(آران اوغلو) دئدیگیمیزبیر اوستاد شاعیریمیزین (بوزقوش چیچکلری) آدیندا شعیر کیتابینا باخیش گئچیرتمک ایسده ییرم. جابیر معلیمین اصلی کوکو ساراب بولگه سینین خاتین آباد کندیندن اولاماقینا باخمیاراق1337اینجی گونش ایلینده تئهراندا دوغولوب  ائله گورپه چاغلاریندان عایله سی کنده قاییدیب دوزگون تاریخینان دئسک جابیر ینی یتمه چاغلارینین شیرینلیگی خاتین آباد کندینین ال دئیمه میش طبعیت قویونوندا سوررکن گنج یاشلاریندا علاوه ده عایله سیله بیرگه تهرانا کوچمک مجبوریتینده قالیب آز چوخ تحصیلات آلاندان سونرا عایله قوروب بازاردا ایشه باشلامیشدی .شاعیر اوتوز ایله یوخون دور کی یازی پوزویلا تانیشلیقی وار درنکلرده و یاخود شاعیرلر بیرلیگینده آران اوغلونون اوز یئری وار . اوجور کی آرا سیرا یولداشلار بیلیللر آران اوغلو اینترنت دونیاسیندا بوزقوش آدینان تانینیر .گاهدان بو شاعیرین یازیب یارادیقی شعیرلره باخاندا اونون عالمینده یاشادیقی اینجه لیک لری دویماق اولور . تانریا اینام و اینسانلیقا خیر خواه لیق اولاراق الهی آدلی شعیریندن بیر پارچا دینله یین لوطفا   

                    اِلاهی

الاهی سن ارنللردن

                  غم و دردی کنار ائیله

گؤزوشور بدنظرلردن

                   اوزاق ائت کامکار ائیله

 

رحیم وبی ریا سن سن

کریم  کبریا سن سن

حکیم  ماسوا سن سن

                     بو خالقی  پایدار ائیله

یادیمدادیر بیر قورولوشدا شعیر و اینجه دن ویاخود اینسان سئورلیکدن سوز گئدنده اورادا اولان کیمسه لردن بیر نفر بئله بیر سوزه توخوندوکی بوگون کی ایجتیماعییت آراسیندا خالق وآراسیندا بیر بیرین هَدَه لمک یاخود بیرین ایاقین ائشیب اویدورماق جاماهاتا گونده لیک ایش اولاراق اعتراف ائله دی کی تکجه شاعیرلرین و یاخود یازیچی لارین آراسیندا بیر بیرینه پاخلیقلاری گئچمیر. او موحترم یولداشیمیزین سوزونه دوز اولاراق بوزقوش جانابلارینیندا عایله سینه ائل طایفا سینا یاخود هنده ورینده اولان یولداشلارینا بیر اورنک اولاراق چیرکینلری پیس له ییب اینسان  سئورلیگی سئورلیگی تاپشیریق وئریر. نفسی آلچاق شعیریندن ایکی بند دینله یین لوطفا

قوربان اولوم دوستون آلا گؤزونه

اوز ائلیمین ائیری سینه دوزونه

قولاق وئرین آتالارین سؤزونه

                    مرد دوشمه سین یاتاغیندا باشا باش

 

هوندور بویلو شیر باخیشلی کیشیلر

ایپ گَوَنی قازیب کندیر ائشیللر

یاراما ال ویرما یارام دئشیلر

                     داغدان اوجا غم داغیندا باشا باش

دوغورداندا شاعیرین گوللو چیچکلی باغچاسیندا سیر ائلیینده هر گولون اوز ایپاری وگوزلیگی گوزه دئییر. عایله سینه حورمت اولاراق . نازلی قیزیم آدلی شعیریندن بیر بند دینله یین لوطفا

لالا گولسن  دسته دسته

قارا گؤزلو بؤیی بسته

باشینی قؤی سینه ام اوسده

               من سنه قوربان قاداسی

              آی آتانین گول بالاسی

گاهدان سئویملی شاعیریمیزین شعیرینین دورولوقو آدامی ساولان قوینوندا آخان گوز یاشی کیمین دورو بیلاقلارگوز اونونه گتیریر داغلارآدیندا شعیریندن ایکی بند دینله یین لوطفا

            داغلار

قایالارین آل گئیینیب

           بیتیرمیسن لالا داغلار

 قار باشینا اَنَن کیمین

           گورسه نیرسن آلا داغلار

 

گیین میسن گلین کیمین

هیبتلی سن ائلین کیمین

تارلا-لارین تئلی کیمین

           آشیر یالدان یالا داغلار

یادیمدادیر اوستادیمیزبیزه بیر تاپیشیریقی واریدی اودا بو دور بوتون اینسانلار منسوب اولدوقو اولوسون نومایده سی اولاراق دونیانین هر بیجاقیندا یاشاسا موطلق اوزمدنیتین اورادا قویوروب ساخلامالیدیر چونکه وطن آدیندا بیر سوز هر بیر وطنداشدان باشلانیر اوستاد شاعیریمیز لوطفی جانابلاریدااورگینده وطن حسرتی یاشادارکن اوزونو اویمه ینن آذاربایجانیمیزین موققدس توپراقینا تاپیناراق بئله یازیر

  اوز ائلیمدن اَمَک آلدیم

نغمه لرین زیلده چالدیم

داستانلارین دیله سالدیم

                   غیرت لرین ازل لییم

                   آزربایجان گؤزلییم

 

(بوزقوش)گؤزون تیکیب سنه

داغلارین بورونوبدی چنه

قوربان دئییب سنه یئنه

                 دوز چورکین تَئزه لییم

                آزربایجان گؤزلییم

شاعیر سوزونون سونوندا باشیمیزا گلن اولایلاری حسرتینن قلمه آلماقینان اوز بوغازیندا بوغولموش هارایین قان ایچن قودوزلارین قولاقینا چاتدیرماق اوچون بئله یازیر

 

اوتاییمین ایشغال اولدی توپراقی

آنا وطن اولدی ائلین  دوستاقی

قانا چکدی  اؤوچی بیزیم اؤیلاقی

                  ایندی بیردا آختاریرام  گؤر بالا

 

نامرد الی اوجاغیمی سوندوروب

دوست دوشمانی قارداش منه گولدوروب

مخنث لر وارلیقیمی اؤلدوروب

                    قوردلار اولوب کوپگینن جور بالا

هله لیک سوز یکونلوقو اولاراق اوستاد شاعیریمیزآران اوغلو معلیمه یارادیجی عالمینده اوغورلاردیله ییب اولوق تانریدان سیزلرده جان سالیقی ایسده مک له  وطن امانتی ائل امانتی دئییب علاوه دن پایلاشانا قَدَرحالالاشیرام

حورمتله

ائلچی بئی

3/5/1394

انزلی شَهَری


Niki
دوشنبه 25 اردیبهشت 1396 11:04 ق.ظ
Nice post. I learn something new and challenging on sites I stumbleupon every day.
It's always interesting to read through content from other writers and practice a
little something from their sites.
طراحی سایت موزیک
شنبه 3 مرداد 1394 01:05 ب.ظ
ممنون مطلب خیلی خوبی نوشته بودین

طراحی سایت موزیک , ساخت سایت آهنگ و موسیقی
http://efanet.ir/music-site
نیلوفر
شنبه 3 مرداد 1394 01:03 ب.ظ
ممنون
موفق و پیروز باشید
chekameh
شنبه 3 مرداد 1394 12:49 ب.ظ
خوووو یه بار بیا اگه دوست نداشتی دیگه نیا!:-)
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر

آپلود نامحدود عکس و فایل

آپلود عکس

دریافت کد آپلود سنتر

آپلود عكس