تبلیغات
دل نوشته های ایلچی خلخالی ( ائلچی بئی ) - ( ایچری شهری پایماسی)5

بیزیم تاریخیمیز( داش کسن )ده دیر

عدالت   شاهیدیر   (خدابنده) دیر

باخماکی ساوالان ایندی چن ده دیر                      

                       سیغیر قاینادقجا گوز اوسده پیشر

                       سنی دئیب گلدیم ایچری شهر

(قوبوستان) قایامیز تاریخا یولدی

وارلیقیم سوزونه چکیلن قولدی

(سومر)نسلیمیزین آچاسی غولدی                      

                        گمی قایاسیندان نوح سسی گلر

                        سنی دئیب گلدیم ایچری شهر

حاقدیر ایسده دیگین حاقدی باراتین

(تولوقوش)   قافینا تاخدی    قاناتین

(نخجوان ) پیریدی   ( مومنه خاتین )                      

                         اوزوگون قاشینا لعلدی گوهر

                        سنی دئیب گلدیم ایچری شهر

فخری خیاوانین شرف موزییم

منیم گونئی یمسن منیم قوزییم

سنینله   سوزومی   نجور بزییم                            

                      سیغماییر سوزومه یازیما دفتر

                      سنی دئیب گلدیم ایچری شهر

                                                                                           

بودور دوشوندوگوم بودور ادراکیم

کیم آشدی سررینی سویله یادا کیم

شرعیت اوجاغیم    پایتخت (باکیم )                    

                          الم نردن اوجا بایراغین اسر

                          سنی دئیب گلدیم ایچری شهر

چشمه سی قایناییب سو گلر آرخا

نه دئییم    حایاتا   نه دئییم   چارخا

ائلیمه     آرخاسان    دیلیمه   آرخا                              

                         هر ائلین طالعین زامان دئیشر

                          سنی دئیب گلدیم ایچری شهر

سامایا سس سالیب قارتالین قوشون

وطن     اولادیندیر    وطنه   قشون 

غلبه    چالاجاق    آخیر دویوشون                             

                            اگر آلینماسا صولونه ثمر

                            سنی دئیب گلدیم ایچری شهر

یارپاغین یاراشیق قاناتین آلا

اینانما قیصاصین اولونجه قالا

شهید    مزارینا ئ  قویاندا لالا                                 

                          آنام چارقاتینی تورپاغینا سر

                          سنی دئیب گلدیم ایچری شهر

                                                                                            

بیربئله    ظولومه   بیربئله ایشه

بیر آغیر یارام وار بلکه قوئوشا

یازین هوسینه دوموزموشم قیشا                       

                          یاشیلق ایستین سوئوغا دوزر

                          سنی دئیب گلدیم ایری شهر 

قیزیلدان گوموشه بله نیب چاتیم

شیرین   شربتینه   بال شیره قاتیم

بایراق    پارچالارین آنا چارقاتیم                      

                        اولدوزونلا آیین سامادان گلر

                        سنی دئیب گلدیم ایچری شهر

یالوارا قالمیشام یارا قالمیشام

بوینوما چکیلن دارا قالمیشام

آرازام سینمده یارا قالمیشام                            

                       یارام گویندیکجه منی اینجیدر 

                       سنی دئیب گلدیم ایچری شهر

بیزده بیر گهلیک وار اورگی خسته

ناواقدی    چیرپینا ر   باغلی  قفسده

الهی     باخیشدا    شعیر       هوسده                             

                      قوزیده (ذلیم خان)گونیده( سحر)

                      سنی دئیب گلدیم ایچری شهر

                                                                                            

بونه آیریلیقدی بیتیب آرادا

ماهنی چلنگییم سئلده سارادا

ایللر حسرتی وار من بچارادا                        

                      یاشاماق چتین دیر بئله دیراگر 

                      سنی دئیب گلدیم ایچری شهر

آهی آه اوسدونه غمی غمه توک

آغیردی حسرتیم آغیردی بو یوک

وارلیقیم اوسدونه چکیلب اورتوک                    

                     باشیمین دومانی ناواخت چکیلر

                     سنی دئیب گلدیم ایچری شهر

حاقین    عدالتین    باراتی گلسین

ائلین     تورکمنی    بایاتی  گلسین

سسله (کوراوغلونون )قیرآتی گلسین                  

                    (آغری داغلار)یندا هله ده کیشنر

                       سنی دئیب گلدیم ایچری شهر

خیر    دعا    گتیر   ابدی     نسله

گونلونده سئوینج اک اومیدی بسله

(صفر خان)  دوزوملی نریمی سسله                  

                    قاندالی اریدر  زنجیری اءیر

                    سنی دئیب گلدیم ایچری شهر

                                                                                            

گله جک بیزیمدیر زاماندا بیزیم

یاخچی دا بیزیمدیریامان بیزیم

اویان    اردبیلیم   اویان تربیزیم                         

                      قویما سوموگومه دایانا نشتر

                      سنی دئیب گلدیم ایچری شهر

سنین (جاواد خانین)(جاوانشیرین )وار

سنین   (مبارزین)    سنین     پیرین وار

گئنه     دوغاسیدیر     بئله      آنالار                              

                          هله دالیندادیر (میانا)(ابهر )

                          سنی دئیب گلدیم ایچری شهر

قالایچی چلنگرچوئوش زمی چی

کور اوغلی دلیسی حسن دمیر چی

یلکانی بوشلا ما شانلی گمی چی                        

                      دالغالار سوئوشار ساحیل گورسنر 

                      سنی دئیب گلدیم ایچری شهر

اوبادا بیزیم دیر اوجاغدا بیزیم

گئری ده بزیمدیر قاباق دا بیزم

زیروه ده بیزیمدیر شافاقدا بیزیم                          

                    آردیمین ایرلی گوتورسون اگر 

                     سنی دئیب گلدیم ایچری شهر

                                                                                          

ایسده طالعینی ایسده اوزونی

اوزگه تاباغینا تیکمه گوزونی

ایگید دینمه سه دوغری سوزونی                       

                     وارلیقی پوزولار وارلیقی ایتر

                     سنی دئیب گلدیم ایچری شهر

آنداولسون موغانا آند اولسون میله

آند اولسون سارایا آند اولسون سئله

آند اولسون پرچمه آند اوسون دیله                    

                      بیزیم دیر غلبه بیزیم دیر ظفر

                      سنی دئیب گلدیم ایچری شهر

غیرتیم    شرفیم وطنه سپر

قارا میخ گولیام باغینا چپر

قانیم تورپاغینا قاریشسا اگر                              

                   وطن داش دییلی بورجونی اودر 

                   سنی دئیب گلدیم ایچری شهر

قوزی  قوربانیام   قویون قوربانی

گولوشون قوربانی طویون قوربانی

بوخونون   قوربانی بویون قوربانی                     

                     قیبله دیر وطنین اوزونی چوندر

                     سنی دئیب گلدیم ایچری شهر

                                                                                           

یالا یال اوچاسی یاماجا بایقوش

قایادا قیر قیسی داغا قارانقوش

قوز قونی گهلیگه قویما گله توش                       

                    سینه سین یارالار قاناتین دیدر

                    سنی دئیب گلدیم ایچری شهر         

نازین    چکمه لییم     آرازین یازین

سازین صنعت کارین سوزون اعجازین

شاعر( جعفری نین) خان (آیریلمازین)                 

                    دردیمی دانشیار دردیمی دئیر

                    سنی دئیب گلدیم ایچری شهر         

سینه مده یری وار آهین کدرین

قوزی     قور بانیام   قضو قدرین

یاراما ال    ویرما درین دی درین                        

                          نقدر آلینماز شوشام کلبجر

                          سنی دئیب گلدیم ایچری شهر

ساراییم     دا وطن مزاریم وطن

خوشلوغومدا وطن گذاریم وطن

دانیشد یغیم     وطن یازاریم وطن                        

                          سئوینجی سئویلن کدری کدر

                          سنی دئیب گلدیم ایچری شهر

                                                                                                

شاعر( ائلچی بئی) ین کعبه سی کسی

دانیسشان دیلی سن های وئرن سسی

باغلدیر     قفسی      داردی     قفسی                           

                          منیم ده حالیما ائیله بیر نظر

                          سنی دئیب گلدیم ایچری شهر

                             

                 

                         ائلچی بئی

                          گونیدن

آپلود نامحدود عکس و فایل

آپلود عکس

دریافت کد آپلود سنتر

آپلود عكس