تبلیغات
دل نوشته های ایلچی خلخالی ( ائلچی بئی ) - ( ایچری شهری پایماسی)2

داهی شاعیردی تور کون (حبیبی )

آلتونا بزردی گور گون (حبیبی )

سارایدان سارایا سورگون (حبیبی )                  

                      آیلاردان آیلارا خسته یول گئدر

                        سنی دئیب گلدیم ایچری شهر

(عاباس )توفار قانلی (ددم قوربانی)

صنعتین شعیرین اوزودور جانی

سازیلا سوزیله سارایی خانی                          

                         عدالت اوسدونده سازینا کوکلر

                           سنی دئیب گلدیم ایچری شهر

قیزیل خیرداسیدیر بوینوما تاخیش

ییم دیر گئیم دیر کیلیم ده ناخیش

ائلیمده یاشاییر نه زنگین باخیش                       

                           آتالار سوزوندن آغیزلار شکر

                             سنی دئیب گلدیم ایچری شهر

بیزده محبت وار بیز ده سه دویغو

محبت مکر اولارمی اویغو

بئله یاشا ماغا نه سوز نه سویغو                                                                                                     

                               ازلدن دئیب لر گئچینمک ظفر  

                               سنی دئیب گلدیم ایچری شهر

                                                                                           

اوزومنن     آلچاغا  آقا چاغیردیم

منه    خور باخانا   قاغا     چاغیردیم

دوز انسان چاغیردیم (ساغا ) چاغیردیم               

                             پیسی یاخجیلیقا ویرماقا دئیر

                              سنی دئیب گلدیم ایچری شهر

ائگید لیک بئله دیر قوچاقلیق بئله

گورون (قاچاق نبی) نه دئیر ائله

ارزروم     داغیندا     کرم     له لله                                   

                             نجابت چاغیرار اصلینی سسلر

                               سنی دئیب گلدیم ایچری شهر

هر یرده یاشاماق حاقدیر انسانا

قاتما اوز یاغینی شورا یاوانا

اوزگه دیل اورگدمه خیردا جاوانا                            

                               اصلین ایتیره نین نسلی کسیلر

                                سنی دئب گلدیم ایچری شهر

باخما اولکه میزین ایندی سدی وار

بیر تور پاق حدی وار بیرد یل حدی وار

هر ائلین اوزونون رسم خطی وار                          

                             هر کس اوز دیلینه ائله  سویکنر

                                سنی دئیب گلدیم ایچری شهر

                                                                                            

ساقا**تورکی دیلینده انسان دئمکدیر

بشر کپیر  دئیر قاریشین سئله

آغاجدا یارپاغین آوارسین یله

کرک کیم لیگینی گتیرسین اله                                

                                   یاشایش دوزلر قرینه دونر

                                   سنی دئیب گلدیم ایچری شهر

یلده اویناق اولار کنکرین کولی

قاینا میش آغاجا آسیلان غولی

داش ندن آغیردی دولیدی دولی                               

                                هیچ داشی یریندن گیجل ترپدر

                                 سنی دئیب گلدیم ایچری شهر

ازلدن دوز    ائله دیوارین   هیمین

وارلیقین وار ائله   اولدوغون کیمین

یا (تومروس)آنام اول یا( آلپ تکین )                        

                                نه قبیرین یاد اولار نه آدین ایتر

                                  سنی دئیب گلدیم ایچری شهر

قیمتی نه دیر کی بویون اولماغین

اوزگه سوروسونه قویون اولماغین

اویونجاق اولماغین اویون اولماغین                          

                                   ایگیدی اسگیلدر ایگیدی ازر

                                   سنی دئیب گلدیم ایچری شهر

آدام وار    نه بیلیم    اوزونده  یاشیر

کیم سه وار اوزلوگون  اوزگده داشیر

کیمی سی    تاریخین    اوزیله   آشیر                                

                                  هر کس اوز ائلینین یریشین گئدر

                                     سنی دئیب گلدیم ایچری شهر

اوزگه   ال الیمه   حامایل اولماز

باشقا دیل دیل اولار اما ائل اولماز

کیمسه نین ائلینده سارا سئل اولماز                              

                                                                            

                              بو عصمت لی بالا بیزیم دیر ائللر

                                 سنی دئیب گلدیم ایچری شهر

ایگید   بابکیمین   بایراغی آلدیر

(نسیمی) نسلی نین حالیدا حالدیر  

اوغوز طایفاسینین باشین اوجالدیر                            

                                 کعبه دیر ائلیمه ایندی کلیبر

                                سنی دئیب گلدیم ایچری شهر

باغچامیزدا     بیتر سوز قرنفیلی

الهی بیر دیلدیر شعیریمین دیلی

بو شعری بو دیلی داهی (فضولی)                           

                                  بئله یارادیبدیر منه حال وئرر

                                   سنی دئیب گلدیم ایچری شهر

آپلود نامحدود عکس و فایل

آپلود عکس

دریافت کد آپلود سنتر

آپلود عكس