تبلیغات
دل نوشته های ایلچی خلخالی ( ائلچی بئی ) - ( گیریش)

چوخداندیربیر جاوابسیزسوال اورگیمی سیخیردی کی تصادفاگئچن گونلرین بیرینده تلویزیوندان بیر ضیالی انسان آختاردیغیم سوالین جاوابینی بئله ایضاح ائله دی کی شاعرلر ایکی جوره دیلر *

بیریسی آنادان شاعر دوغولور اما بیریسی نی منیم کیمین درد دوغور دوغروسی منده غم کدردن دوغولموش شاعرم ندن بوسوزی دئییرم *اوشاقلیق چاغلاریمدان بیرینین بیرینه حاقسیزلیقی گئچنده تز اینجییردیم *نیا کی انسان یاشامیندا عدالت سیز لیک اولمامالیدیر داها دوغروسی او باخیش منن یاشادی ایندی کی عومور پاییزیمین اللسینه یوخونلاشیرام *نه کی من بویدا اولوب* یوخ بلکه اوزومنن ده نچه قات یوخاریدا یر آلیب *من تاریخ بویی درد چکیب زامان یاشادیرام بوتون آق قارا خالق انسان آدینان یارانمیشلارسیخینتی لارا قالانالار ین دردین چکیرم *

نیاکی هیچ کیمسه سیخینتی لارا معروض قالمامالیدیرلار *سیز دوز ائشیدیز *من درد یاشادیرام کی اوجی بیجاغی بللی دئییر *دونن برده آدینا یازیلان کتابلارین واراقلارین جیریب اوگه لییرم *من بوتویلوکده یانمیا یانمیا آلووا چونموشم *

من نیسگیل یاشادیرام *کی بیر ائلین طالعی گور هاردان هارا گلیب چیخیب دیر*گئچن آیلاردا ائله بوسوزی فیکیرله شرک ایسدیردیم یازام کی *سارایلارا سیغمیان ائلیم ایندی ندندیرسیخیلیر الله *هوچولار هایچیلار ائله شبیخانلیق ائلییلر کی ائله بیل بو

خالقین هیچ گوتوگی گولتوری تاریخی یوخدور *آخی بیلارا نه دئییم گونشدن ایشقلی نچه مین ایل لیک تاریخی اولان خالقین اوزونی بئله سوراتداماخ اولارمیش *هر انسانین یاشامیندا اوزونه باغلی آرزیلاری دویغولاری ایستکلری اولمالیدیر *اما منیم آرزیلاریمین شکلی بیر آزدا اولموش اولسا فرق لیدیر *ایلک گنج یاشلاریمدان قارشیما قویدوغوم ایسده گیمین بیریده بو دونیادان کوشمه میشدن باکی زیارتینه نایل اولام *بو آرزیما گوره گوردوگوم یوخولار چکدیگیم نقشه لرآواردیغیم ایشلری یازسیدیم                                             

                                                             

بیر جانلی کتابا چونردی*اما شوکولر گون اوگون اولدی آستارا مرزین گئچیب باکی سفرینه یولا دوشدوم *

اما نجور بیر من بیلیرم بیرده باشیمین اوسده تانریم *

اولده باکیا من گوله گوله یولاندیم نیا گوله گوله اونا گوره کی ایللر بویی آرزیسیندا اولان اعمالیمین واقتینا زامانینا یوخونلاشیردیم *

بلکه ده یوخ من باکیا آغلیا آغلیا گئدیر دیم اونا گوره کی (ربابه)

(آشیق حسین جاوان )(بالاش آذر اوغلی ) (مدینه گولگون)

(طاهر سهراب )  (حوگومه بلوری)بوتون ایللر بویی باجی قارداشلاریمین گوروش نیسگیلین آپارریدیم *اینانین باکیا صبیر سیز لیگینن گئدیردیم *اونا گوره کی دونیادان گوچموش داهی لریمیزین توربه سینه چاتاسی الیم الوردی *اما گنه یوخ *من باکیا آغلیم نان هوشومنان وارلیقیمنان سئوینجیم نن کدریمنن گئدیردیم *

شوکولر اولسون کی کعبه می مدینه می توربه می اوتومی اوجاغیمی گوردم *

حایاتینی دئیشمیش آدی سانلی سوی داشلاریمین بولورداش هیکلرینین قاباغیندا الیمی دوشمه قویوب قارشیلارینا باش ائیدیم *فخری خیاوانین فخری یوخ بوتون تورک دونیاسینین فخری اولان (ده ده  حیدرین )مزاریندا اولوم مناسیب تینه یازدیغیم شعریمی تقدیم ائله دیم *

و اوردا وارلیقیما بیرلیگیمه گله جه یمه ایناندیم *

قاناتی قانلی یرمی یانوار گوئر چین لریمین آبیده سینه سویکنیب دویونجان آغلادیم* نیاکی بونلار یردن گویه اوچان قاناتی قانلی گوئر چین دیلرکی خالقین اینامینان دینینن دیلینن محبتینن دورولوغونان اله نیب سئجیلمیش ابدیته اوغرامیش دیلار )یالنیز وطن یولوندا اینام یولوندا اسقلالیت یولوندا جانلاریندان گئجمیش انسانلیق معنویت  کتابینا قول چکمیش باجی قار داشلاریمیزدیلار *

شهید تورک عسکرلرآبیده سی نین باشینا یدی دفه دولاندیم *

                                                                                                      

اما بیر بئله سوزونن کدر غم سئوینج یخیلیب دورماق سیخینتیلارا قالماق آزاد لیقا اوغراماق هامیسی یاشایش حایات قایدا قانوندیرایلک یارانیشدان تا گونی بو گونه گلیب چیخمیش دیر وگومان ائلییرم هله ده بوندان بئله گئده جکدیر *اما بو گون کی

آذربایجان خالقینین قاباغینداکی چتین لیک لر ه ایمکانلار سیلدیریملی قایالار یاخود چچکلی دوزلره نه دئمک اولار *شوکولر اولسون کی مین ایللردن بری میلت لر آراسیندا قاینییب قاریشیب اوز یولونا دوغری گئدن بیر نسیل کیمین بیزده بوگون کی یاشایشدا اوز یولوموزی تاپمیشیق چتین لیکری تانییب آرادان قالدیرماقا جان آتیریق* اصلینده بو عین وارلیق دئمکدیر *

اولسون کی بو یولون داشی قومی کسه یی تیکانی اولاجاقدیر *

اما اساس اودورکی دردی تانییب آرییب اونون اوسدونه بیرلیکده یوروش آپارماق ایسدییریک *

گنه بیر سوزی قید ائله ملییم کی هر بیر آذربایجانلی اولده پرزدنت اولمالیدیر ایکیمجی ده کفایتدی وطنداش اولمالیدیر *

یاخود یازیچی شاعیر رسام آکادمیک اولمالیدیر مسولیتدی  وطن داش اولمالیدیر *سوروجی فهله باشماقچی نه بیلیم خیاط مال قاراچی اولمالیدیر *اما اصیل معناسیندا وطن داش اولمالیدیر *مسولیت لی وطن داش اولاندا بونوره اساس کوک قایناق لی ریشه لی آغاج کیمین اولور یره مین یردن سویکنمیش جانلی آغاجی یخماق ائله ده هاساند اولا بیلمز *

بوتون آذربایجان خالقینا اوز توتوب دئییرم بوگون کی قاراباغ موشگولی یا خود بیرلیگه گئده یول ائله ده آسان یول دئییر آنچاق آییق ساییق وطنداش لیق لازیمدیر *من قانیمنان جانیمنان یدی قاتیمنان بیر نقطیه اینانیرام اودا بیزیم آینادان دوری گئجمیش

زنگین تاریخیمیز دیر هر یرده درد بویوک اولاندا وطنین بویوک اوغول قیزلاری باش قالدیریب وطنین تورپاغین قوروماغاجان

                                                                                                         

آتیبلار*یالنیز اوزلریده اولماسالار حماسه لی اولوملری تاریخیمیزی وارلیقیمیزی اوزوموزه دوغری دولاندیریبلار *

مثل اوچون بابک حرکاتی بوتون گون چیخانان گون باتانا میلت لری حرکته گتیردی سونرالار (اوزون حسن )آذربایجان تاریخ کتابیندا قیزیل صحیفه لر آشدی *

(قازان خان)خالقین مدنییتین کولتورون زنگین لشدیردی بیزلر دئیرلی وطن داش اولماغینان بو داهی سر کرده لر تاریخیمیزی آذر بایجانیمزی خیلاصکار لیقا آزادلقیادوغری آپاریبلار *

بوگون کی چتین لیک لری آرادان قالدیرماقچین هر بیر وطنداش آذربایجانلی بوتوی آذربایجانا سویکنر ک تورک دونیاسینا اوز توتمالیدی *اما قالدی قاراباغ دردیمیز اونادا من تاریخدن سیزه دلیل گتیرمک ایستییرم اگر بیزیم دونن میزی (حیدر اوغلی اسماییل قورییب اولدوغی کیمین بیزه آمانات وئرمیش دیسه بو گونده اینانیرام (حیدراوغلی اسماییل یوخ ) (حیدراوغلی الهام  )

بیزیم حاقیمیزی وارلیقیمیزی کیم لیگیمیزی بیر دفه ده تاریخدا ثبوتا یتیرمه چین قاراباغیمیزی آزاد ائلییجک* بونا اینانیرام *

اوندادیر اونون هیکلی شهرلرین میدانیندا یوخ یالنیز خا لقین اورگینده یاشییاجاق

                                                                                                                                         

                                                                          

                                                                                                                        گونئی دن ائلچی بئی

                                                                                                               - -

                                                                                                                  فورال                          

 

آپلود نامحدود عکس و فایل

آپلود عکس

دریافت کد آپلود سنتر

آپلود عكس